Manual oficial de uso de OpenOffice

No proceso de axuda á migración ao paquete informático OpenOffice.org así como para ofrecermos unha axuda complementaria aos cursos de iniciación que se están a desenvolver na nosa universidade, nesta sección iremos publicando, na súa tradución ao galego, os diferentes capítulos que forman os manuais do sitio web colaborativo OOoauthors, unha plataorma que serve para coordinar o traballo de voluntarios que están a crear unha documentación detallada sobre os programas Writer, Calc, Draw, Impress e Base.

Nesta sección iremos publicando os diferentes capítulos da Guía do Writer e da Guía do Calc, dúas obras estensas e profundas que describen a maior parte das funcionalidades destes dous programas. Para unha descrición menos precisa, pode tamén descargarse, a través da páxina de mancomun.org, algúns capítulos da Guía de inicio ao OOo, así como outros manuais.

Se ten calquera cuestión que nos facer sobre a tradución (erros que detectar, preferencias na tradución...) pode pórse en contacto connosco a través do enderezo de correo electrónico softwarelibre@udc.es